കോഴിക്കോട്: കോട്ടൂളിയില് കാറുകള് തമ്മില് കൂട്ടിയിടിച്ച് തീപിടിച്ചു. സംഭവത്തില് ഒരു കാര് പൂര്ണമായും മറ്റേത് ഭാഗികമായും കത്തി നശിച്ചു. യാത്രക്കാര്ക്ക് പരിക്കേറ്റു. പരിക്കേറ്റ ഒരാളെ കോഴിക്കോട് മെഡിക്കല് കോളേജില് പ്രവേശിപ്പിച്ചിട്ടുണ്ട്. ചൊവ്വാഴ്ച രാത്രി ഏഴേമുക്കാലോടെയാണ് സംഭവം.
കാറുകള് തമ്മില് കൂട്ടിയിടിച്ച ശേഷം വളരെപ്പെട്ടെന്നാണ് തീപടര്ന്നത്. മുന്വശത്തുനിന്നാണ് തീ ഉയര്ന്നത്. തുടര്ന്ന് അഗ്നിരക്ഷാസേനയെത്തി തീയണച്ചു. കാറിലുണ്ടായിരുന്നവരെ നാട്ടുകാരാണ് രക്ഷപ്പെടുത്തിയത്.
Tags:
KOZHIKODE
