കൂടാതെ കൂളിമാട് പാലത്തിന്റെ ഇരുകരകളിലുമായി വഴി വാണിഭങ്ങളിൽ കമ്പം പുഴുങ്ങിയത്,കടല വറുത്തത്, കല്ലുമ്മക്കായ, പായസം,ഐസ്ക്രീം, ഉപ്പിലിട്ടത്, പാഷൻ ഫ്രൂട്ട് ഷേക്ക്, തുടങ്ങിയ വിഭവങ്ങൾ സുലഭമാണ്.എല്ലാ ഹോട്ടലുകളിലും നല്ല തിരക്ക് അനുഭവപ്പെടുന്നുണ്ട്. ഞായർ പോലെയുള്ള അവധി ദിവസങ്ങളിൽചില ഹോട്ടലുകളിൽ ടോക്കൺ സമ്പ്രദായം ഏർപ്പെടുത്തിയിട്ടുണ്ട്.
ഭക്ഷണം കഴിക്കാൻ എത്തുന്നവരിൽ 90 ശതമാനവും കൂളിമാടിന്റെ പുറത്തു നിന്ന് വരുന്നവരാണ്. കൂളിമാടി ലേക്കുള്ള റോഡുകളുടെ പ്രവർത്തി പൂർത്തിയായി കഴിഞ്ഞാൽ ഇനിയും കച്ചവടം പതിന്മടങ്ങ് വർദ്ധിക്കാൻ സാധ്യതയുണ്ട്.
ശബരിമല സീസൺ ആയി കഴിഞ്ഞാൽ അയ്യപ്പഭക്തന്മാരുടെ പ്രധാന റൂട്ട് കൂളിമാടു വഴി ആവാൻ സാധ്യതയുണ്ട്. ഈ ഭാഗത്ത് ഒരു "സ്വാമി ശരണം "ഹോട്ടലിന്റെ സാധ്യത തുറന്നു കിടക്കുന്നുണ്ട്.
കൂളിമാട് കടവിൽ നിന്ന് അയ്യപ്പഭക്തന്മാർക്ക് ചാലിയാറിൽ കുളിക്കാൻ ഏറെ സൗകര്യപ്രദമാണ്. എന്നാൽ പ്രാഥമിക ആവശ്യങ്ങൾ നിർവഹിക്കാനുള്ള സൗകര്യങ്ങൾ കുറവായതിനാൽ ടോയ്ലറ്റുകൾ അടക്കമുള്ള സൗകര്യങ്ങൾ ഏർപ്പെടുത്തണമെന്നാണ് നാട്ടുകാരുടെ ആവശ്യം.
Ad
Tags:
KOOLIMAD
