പൊടി ശല്യം മൂലം പൊറുതിമുട്ടി ചുള്ളിക്കാപറമ്പിലെ വ്യാപാരികളും നാട്ടുകാരും

ചെറുവാടി : ജല അതോററ്റിയുടെ പൈപ്പ് ലൈന് സ്ഥാപിക്കുന്നതുമായി ബന്ധപ്പെട്ട് കൂളിമാട് മുതൽ ചുള്ളിക്കാപറമ്പ് വരെ റോഡിന്റെ ഒരു വശം കുഴിയെടുത്ത് പൈപ്പ് ഇട്ടതുമൂലം ഉണ്ടായ പൊടി ശല്യത്തിൽ പൊറുതി മുട്ടിയിരിക്കുകയാണ് ചെറുവാടി ചുള്ളിക്കാപറമ്പിലെ വ്യാപാരികളും നാട്ടുകാരും യാത്രക്കാരും.

റോഡിൽ പഞ്ചായത്തിന്റെ നേതൃത്വത്തിൽ ഇടക്കിടക്ക് വെള്ളം കൊണ്ട് നനക്കാറുണ്ടെങ്കിലും പൊടി ശല്യത്തിന് കാര്യമായ മാറ്റമൊന്നും ഉണ്ടാവാറില്ല. ശക്തമായ വെയിൽ മൂലം വേഗം ഉണങ്ങി വീണ്ടും പൊടിയായി മാറുകയാണ്.  

ഇതുവഴിയുള്ള നിരന്തരമായുള്ള ടിപ്പർ ലോറികളുടെയും മറ്റു വാഹനങ്ങളുടെ പോക്കും കാരണം പൊടി ശല്യം ഉയരുന്നതിനാൽ ഇതുവഴി യാത്ര ചെയ്യാൻ പലരും മടിക്കുകയാണ്. സ്കൂൾ, മദ്രസ വിദ്യാർത്ഥികളും കാൽ നട യാത്രക്കാരും ഇതുവഴി നടക്കാൻ പോലും ബുദ്ദിമുട്ടുകയാണ്. ആയതിനാൽ റോഡിന്റെ പണി എത്രയും പെട്ടെന്ന് പൂർത്തീകരിച്ച് സുഖകരമായ യാത്രാ സൗകര്യം ഒരുക്കണമെന്നാണ് നാട്ടുകാരുടെ ആവശ്യം