2000 നു ശേഷം കൊടിയത്തൂർ, മുക്കം, കാരശ്ശേരി പ്രദേശങ്ങളിലെ മൺമറഞ്ഞുപോയവരുടെയും , മറ്റു പ്രമുഖ വ്യക്തികളുടെയും ജീവിതരേഖ ഉൾപ്പെടുത്തിയാണ് സുകൃതം എന്ന പേരിൽ പ്രസിദ്ധീകരിക്കുന്നത്.
നമുക്കറിയുന്ന നാടിന്റെ നായകരുടെ ചരിത്ര വഴിയിലേക്കും രേഖകളിലേക്കും പ്രകാശം തെളിയിച്ച് അടയാളപ്പെടുത്തലുകൾ കാണിച്ചു കൊടുക്കാൻ ഈ അവസരത്തിൽ നിങ്ങൾക്കും പങ്കാളികളാകാം ....
വരും തലമുറക്കായ് വെളിച്ചമേകുന്ന 400 പേജുള്ള ഈ അമൂല്യ ഗ്രന്ഥം ഗ്രാമത്തിന്റെ വളർച്ചയുടെ കൽപ്പടവുകളാവും സഹകരിക്കുക.
മുക്കത്തെ സാമൂഹ്യ സാംസ്കാരിക രാഷ്ട്രീയ രംഗത്ത് നിറസാന്നിധ്യമായ് ജ്വലിച്ചു നിന്ന വി.മൊയ്തീൻ കോയ ഹാജിയുടെ മകൻ അബ്ദുൽ ജലീൽ നിന്ന് വിവരം ശേഖരിച്ച്, മുക്കം മുൻസിപ്പാലിറ്റി ചെയർമാൻ പി.ടി ബാബു ഉദ്ഘാടനം ചെയ്തു.
കാരശ്ശേരി ഗ്രാമപഞ്ചായത്ത് വൈസ് പ്രസിഡണ്ട് ജംഷീദ് ഒളകര അധ്യക്ഷത വഹിച്ച ചടങ്ങിൽ കൊടിയത്തൂർ ഗ്രാമപഞ്ചായത്ത് വൈസ് പ്രസിഡണ്ട് ഫസൽ കൊടിയത്തൂർ,എ പി മുരളീധരൻ ,ഗിരീഷ് കാരക്കുറ്റി, സി. ഫസൽ ബാബു, എം സി ബാധ്യത, പി കെ സി മുഹമ്മദ്, സുബൈർ അത്തൂളി, ജി. അബ്ദുൽ അക്ബർ, സിഗ്നി ദേവരാജ്, മുസ്തഫ ചേന്ദമംഗല്ലൂർ,അഷ്റഫ് ചാലിൽ, ശശി ഊരളിക്കുന്ന് എന്നിവർ ആശംസകൾ അർപ്പിച്ചു
