അരീക്കോട് പോലീസിന്റെ നേതൃത്വത്തിൽ, ജനകീയ സമിതി മുറിഞ്ഞമാട് നിയന്ത്രണങ്ങൾ ഏർപ്പെടുത്തി, ബോർഡുകൾ സ്ഥാപിച്ചു

കീഴുപറമ്പ്: ചാലിയാർ പുഴയോട് ചേർന്ന പ്രദേശമായ മുറിഞ്ഞമാട് വിനോദസഞ്ചാര കേന്ദ്രത്തിൽ അനിയന്ത്രിതമായി ലഹരി ഉപയോഗവും, സാമൂഹ്യവിരുദ്ധ, അധാർമിക പ്രവർത്തനങ്ങളും വർധിച്ചു വരുന്ന സാഹചര്യത്തിൽ  അരീക്കോട് പോലീസിന്റെ നേതൃത്വത്തിൽ മുറിഞ്ഞമാട് ജനകീയ സമിതി നിയന്ത്രണങ്ങൾ ഏർപ്പെടുത്തി ബോർഡുകൾ സ്ഥാപിച്ചു. 27 - 08 - 2023 തിങ്കളാഴിച്ച ചേർന്ന ജനകീയ സമിതിയുടെ മീറ്റിംഗിലാണ് തീരുമാനം കൈ കൊണ്ടത്. പ്രദേശത്ത് CCTV നിരീക്ഷണമടക്കം ഏർപ്പെടുത്തി, നിബന്ധനകൾ ലംഘിക്കുന്നവരെ / വാഹന നമ്പർ ഉൾപ്പെടെ അരീക്കോട് പോലീസിന് കൈമാറുന്നതായിരിക്കും.

സന്ദർശകർക്കുള്ള മുന്നറിപ്പ്

⚫ - സന്ദർശന സമയം വൈകിട്ട് - 3:00 മുതൽ 07: 00 വരെ മാത്രമായിരിക്കും.. ( ശേഷം പ്രവേശന കവാടം അടക്കുന്നതാൺ )

⚫ പ്രദേശത്ത് വെച്ച് ലഹരി പദാർത്ഥങ്ങൾ  ഉപയോഗിക്കുന്നതും, വിൽപന നടത്തുന്നതും കർശനമായി നിരോധിച്ചിരിക്കുന്നു.

⚫ സാമൂഹികവിരുദ്ധ/ അധാർമിക പ്രവർത്തനങ്ങൾ പ്രദേശത്ത് ഒരു കാരണവശാലും അനുവദിക്കുന്നതല്ല.

⚫ പ്ലാസ്റ്റിക്ക് മാലിന്യങ്ങൾ ഒരു കാരണവശാലും പ്രദേശത്ത് നിക്ഷേപിക്കാൻ പാടുള്ളതല്ല.

⚫ മുറിഞ്ഞമാട് കേന്ദ്രീകരിച്ച് എന്തെങ്കിലും പ്രോഗ്രാം സംഘടിപ്പിക്കുന്നുണ്ടെങ്കിൽ കമ്മറ്റിയുടെ മുൻകൂർ അനുമതി വാങ്ങിയിരിക്കണം.

Read alswo>>>ചാലിയാർ ഇന്ന് തീക്കളമാകും