വിളയിൽ ഫസീല - വി.എം കുട്ടി അനുസ്മരണവും പുസ്തക പ്രകാശനവും ഇന്ന്

കോഴിക്കോട്: മാപ്പിളപ്പാട്ടുകളെ ജനകീയ സംഗീതമാക്കി പ്രചരിപ്പിക്കുന്നതിൽ മുഖ്യ പങ്കു വഹിച്ച വി.എം കുട്ടിയുടെയും വിളയിൽ ഫസീലയുടെയും വിപുലമായ അനുസ്മ രണ പരിപാടികൾ ഇന്ന് വൈകീട്ട് നാലര മണിക്ക് കോഴിക്കോട് ടൗൺ ഹാളിൽ നടക്കുമെന്ന് സംഘാടക സമിതിയായ കേളി കേരള ഭാരവാഹികൾ അറിയിച്ചു. അഡ്വ: കെ.എൻ.എ ഖാദർ ആണ് അനുസ്മരണ പ്രഭാഷണം നടത്തുക.

വിളയിൽ ഫസീലയുടെ ജീവിതം ആസ്പദമാക്കി ടി.പി ചെറുപ്പ് രചിച്ച ഇശൽ ജീവിതം എന്ന പുസ്തകത്തിന്റെ പ്രകാശനവും ചടങ്ങിൽ നിർവഹിക്കപ്പെടും. മാപ്പിള പാട്ട് ഗവേഷകൻ ഫൈസൽ എളേറ്റിൽ പുസ്തകം പരിചയപ്പെടുത്തും. വി.എം കുട്ടി യുടെയും ഫസീലയുടെയും ജനപ്രിയ ഗാനങ്ങളുടെ പുനരാലാപനം പ്രമുഖ ഗായകർ നടത്തും.

കേളി കേരള യോഗത്തിൽ പ്രസിഡന്റ് ടി.പി ചെറൂപ്പ് അധ്യക്ഷത വഹിച്ചു. ജനറൽ സെക്രട്ടറി കെ.പി.യു അലി സ്വാഗതം പറഞ്ഞു. കമാൽ വരദൂർ, നവാസ് പൂനൂർ, സലാംക ഫോക്കസ് മാൾ, അഡ്വ. പി.കുൽസു, പ്രകാശ് പൊതായ, ഹസ്സൻ തിക്കോടി, ഫൈസൽ എളേറ്റിൽ, ഫാസില ബാനു, ഹാരിബക്കർ, ജഷീല മാമ്പുഴ, സി. മുനീറത്ത്, ലുക്മാൻ അരീക്കോട്, സാബി തെക്കേപുറം, അഡ്വ: ജാഷിദ് സംസാരിച്ചു.