എട്ടാമത് കീരൻതൊടിക കുടുംബ സംഗമം ഡിസംബർ 24 ന്

കൊടിയത്തൂർ: കീരൻതൊടിക കുടുംബാംഗങ്ങളുടെ  എട്ടാമത്   സംഗമം  വൈവിധ്യമാർന്ന പരിപാടികളോടെ 2023  ഡിസംബർ 24 ന്  ഞായറാഴ്ച്ച  ചേന്ദമംഗല്ലൂർ  അൽ ഇസ്ലാഹ്  ഇംഗ്ലീഷ് സ്കൂൾ ഓഡിറ്റോറിയത്തിൽ വെച്ച് നടത്താൻ കുടുംബ സമിതി യോഗം  തീരുമാനിച്ചു. കോഴിക്കോട് ,  മലപ്പുറം  ജില്ലകളിലെ വിവിധ പ്രദേശങ്ങളിലായി വ്യാപിച്ചു കിടക്കുന്ന കുടുംബാംഗങ്ങളാണ്  വീണ്ടും ഒത്തു ചേരുന്നത്. സംഗമം വിജയിപ്പിക്കുന്നതിനായി  കെ.ടി. അബ്ദുറസാഖ്  ജനറൽ കൺവീനറായി വിപുലമായ  സംഘാടക സമിതിയെ യോഗത്തിൽ തെരഞ്ഞെടുത്തു.

വിവിധ സബ് കമ്മിറ്റി കൺവീനർമാരായി : കെ.ടി.മുഹമ്മദ് അബ്ദുറഹിമാൻ [ പ്രോഗ്രാം ] , കെ.ടി.ഉണ്ണിമോയി മാസ്റ്റർ [ റിസപ്ഷൻ ] , കെ.ടി. ബഷീർ ഹാജി [ ഫിനാൻസ് ] , കെ.ടി.മുസ്തഫ [ ഫുഡ് ] , കെ.ടി. അബ്ദുന്നാസർ  മാസ്റ്റർ [ മെമന്റോ ] , മുഹമ്മദ്  കക്കാട് [പബ്ലിക് റിലേഷൻ സ് ] , കെ.ടി.അബ്ദുൽ ഹമീദ് [ കൾച്ചറൽ പ്രോഗ്രാം ]   എന്നിവരെയും തെരഞ്ഞെടുത്തു.

കുടുംബ സമിതി യോഗത്തിൽ  അമീർ കെ.ടി.മോയി ഹാജി അദ്ധ്യക്ഷത വഹിച്ചു. ജനറൽ സെക്രട്ടറി  കെ.ടി. അബ്ദുറഷീദ്  റിപ്പോർട്ട്  അവതരിപ്പിച്ചു. ജോ: അമീർ  കെ.ടി. ബീരാൻ ഹാജി,  ഡോ: കെ.ടി.മുഹമ്മദലി, പ്രൊഫ: മുഹമ്മദ് ഇസ്മായിൽ അരീക്കോട്, അബ്ദുസ്സലാം മാസ്റ്റർ കൊല്ലത്തൊടി, കെ.ടി. അബ്ദുറസാഖ്, കെ.ടി. മൻസൂർ എന്നിവർ സംസാരിച്ചു. *  സെക്രട്ടറി  കെ.ടി.  മെഹബൂബ്  സ്വാഗതവും  ജോ : കൺവീനർ  കെ. ടി. ഹാഷിം  നന്ദിയും പറഞ്ഞു.