ചെറുവാടി : ഈ മാസം 23ന് കോഴിക്കോട് കടപ്പുറത്ത് വെച്ച് നടക്കുന്ന കോൺഗ്രസിന്റെ ഫലസ്തീൻ ഐക്യദാർഢ്യ റാലിക്ക് മുന്നോടിയായി കൊടിയത്തൂർ മണ്ഡലം നേതൃ കൺവെൻഷൻ ചെറുവാടി അർബൻ ബാങ്ക് ഓഡിറ്റോറിയത്തിൽ വച്ച് നടന്നു .
ടി സിദ്ധീഖ് എം എൽ എ ഉദ്ഘാടനം ചെയ്തു. കൊടിയത്തീൻ മണ്ഡലം കോൺഗ്രസ് പ്രസിഡന്റ് സുജാ ടോം അധ്യക്ഷത വഹിച്ചു.ഡിസിസി പ്രസിഡണ്ട് അഡ്വ: കെ പ്രവീൺകുമാർ, ഡിസിസി സെക്രട്ടറി സി ജെ ആന്റണി , നിജെഷ് അരവിന്ദ്,ബ്ലോക്ക് കോൺഗ്രസ് പ്രസിഡണ്ട് സിറാജുദ്ദീൻ , കൊടിയത്തൂർ ഗ്രാമപഞ്ചായത്ത് പ്രസിഡണ്ട് ദിവ്യ ഷിബു, കെടി മൻസൂർ തുടങ്ങിയ ബ്ലോക്ക്, മണ്ഡലം കോൺഗ്രസിലെ പ്രമുഖർ പങ്കെടുത്തു.
കൊടിയത്തൂർ പഞ്ചായത്തിൽ നിന്ന് 500 ഓളം പ്രവർത്തകരെ റാലിയിൽ പങ്കെടുപ്പിക്കാനും റാലി വൻ വിജയമാക്കാൻ കൂട്ടമായ പരിശ്രമം ചെയ്യാനും കൺവെൻഷനിൽ തീരുമാനമായി.
