വി.എ. മജീദിൻ്റെ ഹജ്ജ് യാത്രയുടെ ഭാഗമായാണ് പഴയ സതീർത്ഥ്യർ വെസ്റ്റ് പാഴൂരിൽ ഒത്തുകൂടിയത്. നാല് പതിറ്റാണ്ടിനിടെ കോളേജിനും നാടിനും കൈവന്ന പുരോഗതിയും പഠന രംഗത്തെ മാറ്റവും അംഗങ്ങൾ ഓർത്തെടുത്തു. പൗരാണിക കലാലയത്തിൽ പഠിച്ചിറങ്ങിയതിൻ്റെ അഭിമാനബോധവും പൂർവ്വ വിദ്യാർത്ഥികളിൽ നിഴലിച്ചു. ഹജ്ജ് യാത്രികർക്ക് മംഗളം നേർന്നും പൂർവ്വ വിദ്യാർത്ഥി പി.എഛ്. അബ്ദുല്ല മാസ്റ്ററെ അനുസ്മരിച്ചും നിറകണ്ണുകളോടെ സഹപാഠികൾ പിരിഞ്ഞു. മുൻ പ്രിൻസിപ്പൽ ഡോ : കാവിൽ അബ്ദുല്ല മൗലവി മുഖ്യാതിഥിയായി.
