സബ്ബ് ജില്ലയിലെ ആദ്യ ഹോക്കി ടീം ചെറുവാടി സ്കൂളിൽ

മുക്കം: ജി.എച്ച്.എസ്.എസ്  ചെറുവാടിയുടെ ചരിത്രത്തിൽ ആദ്യമായി ആരംഭിച്ച അണ്ടർ 14,17,19 ഹോക്കി ടീമുകളുടെ പരിശീലനം  ആരംഭിച്ചു. മുക്കം സബ്ബ് ജില്ലയിൽ തന്നെ ആദ്യമായാണ് ഒരു ഹോക്കി ടീം രൂപപ്പെടുന്നത്. 

കഴിഞ്ഞ ഒക്ടോബറിൽ ഹോക്കി സ്റ്റിക്ക് വിതരണവും ജെഴ്സി പ്രകാശനവും നടത്തിയിരുന്നു. ചെറുവാടി മിനി സ്റ്റേഡിയത്തിൽ തുടങ്ങിയ പരിശീലനം കായിക അധ്യാപിക റീന ടീച്ചർ, ഷരീഫ്, സഫ്വാൻ തുടങ്ങിയവരുടെ നേതൃത്വത്തിൽ നടക്കുന്നു.