ഗ്ലോബൽ പ്രവാസി വെൽഫെയർ അസോസിയേഷൻ പതിനൊന്നാം വാർഷിക സമ്മേളനവും ജനറൽബോഡിയും സംഘടിപ്പിച്ചു

ചെറുവാടി: ഗ്ലോബൽ പ്രവാസി വെൽഫെയർ സൊസൈറ്റി പതിനൊന്നാം വാർഷിക സമ്മേളനം ചെറുവാടി പ്രവാസി ഹാളിൽ വച്ച് ചേർന്നു. സമ്മേളനം ഗ്ലോബൽ പ്രവാസി വെൽഫെയർ സൊസൈറ്റിയുടെ സമുന്നതനായ നേതാവും പന്ത്രണ്ടാം വാർഡ് മെമ്പറുമായ രഹിലാ മജീദ് ഉദ്ഘാടനം ചെയ്തു. പ്രവാസികളുമായി ബന്ധപ്പെട്ട വിവിധ വിഷയങ്ങൾ യോഗത്തിൽ ചർച്ചചെയ്യപ്പെട്ടു. പ്രവാസി പെൻഷൻ പദ്ധതിയുമായി ബന്ധപ്പെട്ട് പ്രവാസികൾക്കുള്ള സംശയങ്ങൾ ദൂരീകരിക്കണമെന്ന് യോഗം ആവശ്യപ്പെട്ടു. പ്രവാസികൾക്ക് തൊഴിലവസരങ്ങൾ സൃഷ്ടിക്കുന്നതിന് വേണ്ടി ജോബ് ഫെയർ സംഘടിപ്പിക്കാൻ യോഗത്തിൽ തീരുമാനിച്ചു.

 പ്രസിഡന്റ് അബ്ദുൽ ഖാദർ പൂളക്കുത്ത് അധ്യക്ഷൻ വഹിക്കുകയും ജനറൽ സെക്രട്ടറി അബ്ബാസ് കളത്തിൽ സ്വാഗതം പറയുകയും ചെയ്തു. ഗുലാം ഹുസൈൻ കൊലക്കാടൻ മുഖ്യപ്രഭാഷണം നടത്തി. പി എ അബ്ദുൽ നാസർ,  സുനിൽകുമാർ, അബ്ദുൽറബ്ബ് നിസ്താർ, യൂസഫ് പാറപ്പുറത്ത്, മോയിൻകുട്ടി എരഞ്ഞിമാവ്, കുട്ട്യാലി , അബ്ദുറഹ്മാൻ കണിച്ചാടി കുഴിയിൽ എന്നിവർ സംസാരിച്ചു.

 കൊളക്കാടൻ ഗുലാം ഹുസൈൻ മുഖ്യ രക്ഷാധികാരിയായും,

ഗ്ലോബൽ പ്രവാസി വെൽഫെയർ സൊസൈറ്റിയുടെ പുതിയ പ്രസിഡണ്ടായി അബ്ദുൽ മജീദ്  രഹില, ജനറൽ സെക്രട്ടറിയായി അഷറഫ് വൈ പി, ട്രഷററായി അബ്ദുസ്സലാം കണിച്ചാടി എന്നിവരെ തെരഞ്ഞെടുത്തു. ജോയിൻ സെക്രട്ടറി അജിത് കുമാർ തോട്ടുമുക്കം നന്ദി പ്രകാശിപ്പിച്ചു.