വാശിയേറിയ ഫൈനൽ മത്സരത്തിന്റെ രണ്ടാം പകുതിയിൽ ടിപൈക്കോ ചെറുവാടിയുടെ അസീം നേടിയ ഗോളാണ് വിജയ ഗോൾ. കളിയിൽ ഇരു ടീമും നിരവധി മുന്നേറ്റങ്ങൾ നടത്തിയെങ്കിലും ഗോളാക്കി മാറ്റാൻ കഴിഞ്ഞിട്ടില്ല. തുടക്കത്തിൽ ടിപൈക്കോയുടെ നിരവധി ഷോട്ടുകൾ സേവ് ചെയ്ത് ചാലഞ്ചേഴ്സിന്റെ അഭിലാഷ് രക്ഷകനായി മാറി.
ടൂർണമെന്റിലെ ജനപ്രിയ ടീമായി സിൻസിയർ യുണൈറ്റഡ് എരഞ്ഞിമാവിനെയും, മികച്ച ടീം മാനേജ്റായി ചാലഞ്ചേഴ്സ് ചെറുവാടിയുടെ ശരീഫ്നെയും, മികച്ച വിങ് ബാക്കായി ചാലഞ്ചേഴ്സ് ചെറുവാടിയുടെ ഇർഫാനെയും, ജനപ്രിയ താരമായി ചാലഞ്ചേഴ്സ് ചെറുവാടിയുടെ ഷൈബിനെയും, കൂടുതൽ ഗോൾ നേടിയ താരവും ആദ്യ ഗോൾ നേടിയ താരമായി ടിപൈക്കോയുടെ അസീംഹും, പുതുമുഖ താരമായി റാഫി കൊടിയത്തൂരിനെയും, മികച്ച ഗോൾ കീപ്പറായി ചാലഞ്ചേഴ്സ് ചെറുവാടിയുടെ
അഭിലാഷും, മികച്ച പ്രതിരോധമായി ടിപൈക്കോയുടെ റൗഫ്ഹും, മികച്ച കളിക്കാരനായി ടിപൈക്കോയുടെ ബദ്റിനെയും, മികച്ച മുന്നേറ്റ താരമായി ഹാഫിസിനെയും തെരെഞ്ഞെടുത്തു. അതോടപ്പം നറുക്കെടുത്ത വിജയികൾക്ക് സമ്മാനവും വിതരണം ചെയ്തു.
മത്സരത്തിൽ മുഖ്യാതിഥിയായി സംസ്ഥാന യൂത്ത് ലീഗ് വൈസ് പ്രസിഡന്റും മലപ്പുറം മുനിസിപ്പൽ ചെയർമാനുമായ മുജീബ് കാടേരി പങ്കെടുത്തു . വിജയികൾക്കുള്ള ട്രോഫികൾ തിരുവമ്പാടി മണ്ഡലം മുസ്ലിം ലീഗ് പ്രസിഡണ്ട് സി കെ കാസിം സാഹിബ് വിതരണം ചെയ്തു . പദ്ധതി നിർവഹണത്തിൽ 100 % ചിലവഴിച്ചു കോഴിക്കോട് ജില്ലയിൽ മികച്ച നേട്ടം കൈവരിക്കാൻ നേതൃത്വം നൽകിയ കൊടിയത്തൂർ ഗ്രാമ പഞ്ചായത്ത് പ്രസിഡണ്ട് വി ഷംലൂലത്തിനെയും, ദേശീയ റെഫറിയായി തെരെഞ്ഞെടുത്ത മൂസയെയും ചടങ്ങിൽ ആദരിച്ചു .ബ്ലോക്ക് പഞ്ചായത്ത്, ഗ്രാമ പഞ്ചായത്ത് മെമ്പർമാർ, രാഷ്ട്രീയ സാമൂഹിക രംഗത്തെ പ്രമുഖർ പങ്കെടുത്തു.
Tags:
CHERUVADI
