ഹാരിസ് ചെറുവാടി

സൗദിയിലെ അബഹയ്ക്കടുത്തുള്ള റിജാൽ അൽമയിൽ വെച്ചുള്ള അപകടത്തിൽ ചെറുവാടി, ചുള്ളിക്കാപറമ്പ് അക്കരപറമ്പിൽ ആലിക്കുട്ടി കാക്കയുടെയും കൊടിയത്തൂർ കാവിൽ എറക്കോടൻ ആയിശുമ്മ(മാണി ചാച്ചി ) യുടെയും  മകൻ  ഹാരിസ് (35) മരണപ്പെട്ടു.

അൽസുദ-റിജാൽ അൽമ റോഡിലെ ചുരത്തിൽ വാഹനം മറിഞാണ് അപകടം. കൂടെ ഉണ്ടായിരുന്ന മലപ്പുറം വാഴക്കാട് സ്വദേശി ഫാദിൽ സാദിക്ക്​, കോഴിക്കോട്​ മുക്കം സ്വദേശി മുജീബ്​ എന്നിവർക്ക്​ പരിക്കേറ്റു. ഇരുവരെയും ആശുപത്രിയിൽ പ്രവേശിപ്പിച്ചു. മൂന്നുപേരും ഒരേ സ്ഥാപനത്തിൽ ജോലി ചെയ്യുന്നവരാണ്​.

അബ്​ഹയിൽനിന്ന്​ റിജാൽ അൽമയിലേക്കുള്ള യാത്രക്കിടയിലായിരുന്നു അപകടം. അബ്​ഹയിലെ ഖാലിദിയ്യ ജംഇയ്യത്തുൽ മനാസിൽ എന്ന സ്ഥാപനത്തിൽ ജോലി ചെയ്യുന്ന ഹാരിസ് ചെറുവാടിയും സുഹൃത്തുക്കളും പൗരാണിക ഗ്രാമമായ റിജാൽ അൽമയിലേക്ക് പോകുകയായിരുന്നു. യാത്രക്കിടയിൽ വാഹനത്തി​ന്‍റെ ബ്രേക്ക് നഷ്​ടപ്പെട്ട് നിയന്ത്രണം വിടുകയായിരുന്നു. ഹാരിസ്​ സംഭവസ്ഥലത്ത്​ തന്നെ മരിച്ചു.

Advertisement

Advertisement