രണ്ടാം ദിനം പൊതു ഇടം സന്ദര്ശിക്കുന്നതിന്റെ ഭാഗമായി പഞ്ചായത്ത് സ്ഥിരം സമിതി ചെയര്മാന് തറമ്മല് അയ്യപ്പന് കുട്ടിയുടെ നേതൃത്വത്തില് പഞ്ചായത്ത് ബഡ്സ് സ്കൂള് പ്രഥമധ്യാപികയും ജീവനക്കാരും ചേര്ന്ന് കുട്ടികളുമായി വാഴക്കാട് പോലീസ് സ്റ്റേഷന് സന്ദര്ശിച്ചു. സി.ഐ.രാജന്ബാബുവിന്റെ നേതൃത്വത്തിലുള്ള പോലീസ് ഉദ്യോഗസ്ഥര് കുട്ടികളുമായി സൗഹൃദം പങ്കിട്ടും അടുത്ത് ഇടപഴകിയും സ്റ്റേഷനിലെ ഓരോ ഭാഗവും കുട്ടികള്ക്ക് കാണിച്ചു കൊടുത്തു. തോക്ക്, ലാത്തി, വെടിയുണ്ടകള് എന്നിവ കുട്ടികള് തൊട്ടറിഞ്ഞ് പരിചയപ്പെട്ടു. കുറ്റകൃത്യങ്ങളില് പിടിക്കപ്പെടുന്നവരെ പാര്പ്പിക്കുന്ന ജയിലറയും കുട്ടികള്ക്ക് പരിചയപ്പെടുത്തി. കുട്ടികള്ക്കിത് ജീവിതത്തിലെ വലിയൊരനുഭവമായി മാറി.
Tags:
VAZHAKKAD
