ഒക്ടോബര് 24 ന് ചൊവ്വാഴ്ച ജില്ലാ പ്രസിഡന്റിന്റെയും, ജനറല് സെക്രട്ടറിയുടേയും നേതൃത്വത്തില് സംസ്ഥാന ജില്ലാ ഭാരവാഹികള് നിയോജക മണ്ഡലം തലത്തില് പര്യടനം നടത്തി പ്രചരണ പ്രവര്ത്തനങ്ങള് അവലോകനം ചെയ്യും. ജില്ലാ കമ്മിറ്റി നല്കിയ, റാലിയില് പങ്കെടുക്കുന്നവരുടെ വിവരങ്ങള് രേഖപ്പെടുത്തേണ്ട വിവര ശേഖരണ ഫോം പര്യടനത്തില് വെച്ച് തിരിച്ചുവാങ്ങും. ഒക്ടോബര് 24 ചൊവ്വാഴ്ച ശാഖ തലങ്ങളില് ഗൃഹ സമ്പര്ക്കം നടത്തി റാലിയിലേക്ക് ആളുകളെ ക്ഷണിക്കുകയും സാത്തിക സമാഹരണം നടത്തുകയും ചെയ്യും. ഒക്ടോബര് 25 ബുധനാഴ്ച നിയോജക മണ്ഡലം തലങ്ങളില് വാഹന പ്രചരണവും, ശാഖ തലങ്ങളില് വിളംബര ജാഥകളും നടത്തും. മുഴുവന് വാര്ഡുകളില് നിന്നും പ്രത്യേക വാഹനങ്ങള് ഏര്പ്പാട് ചെയ്ത് പ്രവര്ത്തകരെ എത്തിക്കാനും മുഴുവന് അങ്ങാടികളിലും പ്രചരണ ബോര്ഡ് സ്ഥാപിക്കാനും .യോഗത്തില് തീരുമാനിച്ചു.
സംസ്ഥാന വൈസ് പ്രസിഡന്റ് എം.സി മായിന് ഹാജി ഐക്യദാര്ഢ്യ റാലി സംബന്ധിച്ച സംസ്ഥാന കമ്മിറ്റിയുടെ നിര്ദേശങ്ങള് യോഗത്തിന് മുമ്പാകെ അവതരിപ്പിച്ചു. ഉമ്മര് പാണ്ടികശാല, സി.പി ചെറിയ മുഹമ്മദ്, പാറക്കല് അബ്ദുള്ള, ഷാഫി ചാലിയം, അഹമ്മദ്കുട്ടി ഉണ്ണികുളം സംസാരിച്ചു. ടി.ടി ഇസ്മായില് സ്വഗതവും സി.പി.എ അസീസ് മാസ്റ്റര് നന്ദിയും പറഞ്ഞു
Tags:
KOZHIKODE
