കരുത്ത്: ഭിന്നശേഷി വിദ്യാർത്ഥികൾക്കായി വിനോദയാത്ര സംഘടിപ്പിച്ചു

ഭിന്നശേഷി വിദ്യാർത്ഥികൾക്കായി കൊടിയത്തൂർ പഞ്ചായത്ത് ഭരണസമിതി ഒരുക്കിയ വിനോദയാത്ര അതിൻ്റെ പേരു പോലെ തന്നെ ഏവർക്കും മുന്നോട്ടുള്ള പ്രയാണത്തിന് കരുത്ത് നൽകുന്നതായിരുന്നു. അവശതയുണ്ടങ്കിലും അതെല്ലാം മറന്ന് പ്രായമായവർ പഴയ സ്കൂൾ ഗാനങ്ങൾ പാടിയപ്പോൾ മറ്റുള്ളവരും അത് ഏറ്റു പിടിച്ചു. . വിനോദ സഞ്ചാര കേന്ദ്രമായ മലമ്പുഴയിലേക്കാണ് 2 വാഹനങ്ങളിലായി ഭിന്നശേഷിക്കാരും അവരുടെ രക്ഷിതാക്കളുമുൾപ്പെടെ 110 ഓളം പേർ യാത്ര പോയത്. 

മനുഷ്യന്റെ കണക്കുകൂട്ടലുകൾക്കപ്പുറം, പോയ കാലത്തിന്റെ വികൃതികളിൽ തങ്ങൾക്കു നഷ്ട്ടമായ  സന്തോഷ ദിനങ്ങൾ ഒരു പകൽ കൊണ്ട് തിരിച്ചുപിടിക്കുകയായിരുന്നു ഈ യാത്രയിലൂടെ  അവർ.അതോടെ പരിധിയും,പരിമിതിയും അവരുടെ ആവേശത്തിനുമുന്നിൽ വഴിമാറി നിന്നു.

പാട്ടും കളികളും ആവേശമായപ്പോൾ ജനപ്രതിനിധികളും അതിൻ്റെ ഭാഗമായതോടെ വിദ്യാർത്ഥികളും രക്ഷിതാക്കളും ആവേശകൊടുമുടി കയറി. 

യാത്ര ഗ്രാമപഞ്ചായത്ത് പ്രസി: ദിവ്യ ഷിബു ഫ്ലാഗ് ഓഫ് ചെയ്തു. വൈസ് പ്രസിഡൻ്റ് ഫസൽ കൊടിയത്തൂർ അധ്യക്ഷനായി. ആയിഷ ചേലപ്പുറത്ത്, കെ.പി സൂഫിയാൻ, കരീം പഴങ്കൽ, സൂരജ്, ജമാൽ എരഞ്ഞിമാവ് തുടങ്ങിയവർ സംബന്ധിച്ചു