പൊറ്റമ്മൽ യൂത്ത് ഫുട്ബോൾ ഫെസ്റ്റ്: ആവേശകരമായ സെമി പോരാട്ടങ്ങൾ ഇന്ന്; ക്വാർട്ടറിൽ ചുള്ളിക്കാപറമ്പിനും, കണ്ണാംപറമ്പിനും വിജയം

ഐ റോക്സ് കണ്ണാംപറമ്പ്

ചെറുവാടി: പൊറ്റമ്മൽ നിഷാദ് മോൻ മെമ്മോറിയൽ ഫ്ലഡ്‌ലിറ്റ് സ്റ്റേഡിയത്തിൽ നടന്നുവരുന്ന പൊറ്റമ്മൽ യൂത്ത് ഫുട്ബോൾ ഫെസ്റ്റിൽ ഇന്ന് (വെള്ളി) ആവേശകരമായ സെമി ഫൈനൽ മത്സരങ്ങൾ നടക്കും. ഇന്നലെ നടന്ന ക്വാർട്ടർ ഫൈനൽ മത്സരങ്ങളിൽ ടൗൺ ടീം ചുളളിക്കാപറമ്പും ഐ റോക്സ് കണ്ണാംപറമ്പും വിജയം കണ്ടു.

ടൗൺ ടീം ചുളളിക്കാപറമ്പ്

ഇന്നലെ (ജനുവരി 29) നടന്ന ആദ്യ ക്വാർട്ടർ ഫൈനലിൽ കെ.വൈ.സി കുന്നുംമലിനെതിരെ ഒന്നിനെതിരെ ഏഴ് ഗോളുകളുടെ (7-1) കൂറ്റൻ വിജയമാണ് ഐ റോക്സ് കണ്ണാംപറമ്പ് സ്വന്തമാക്കിയത്. വാശിയേറിയ രണ്ടാം മത്സരത്തിൽ നൈറ്റ് എഫ്.സി പൊറ്റമ്മലും ടൗൺ ടീം ചുളളിക്കാപറമ്പും രണ്ട് ഗോളുകൾ വീതം നേടി (2-2) സമനിലയിൽ പിരിഞ്ഞതിനെ തുടർന്ന് പെനാൽറ്റി ഷൂട്ടൗട്ടിലൂടെ ടൗൺ ടീം വിജയിച്ചു.

ഇന്നത്തെ സെമി മത്സരങ്ങൾ (ജനുവരി 30, വെള്ളി):

ഇന്ന് രാത്രി നടക്കുന്ന സെമി ഫൈനൽ മത്സരങ്ങൾ.

സമയം 07:30 PM: നെയ്‌ബേഴ്‌സ് അത്താണി (Neighbours Athani) 🆚 ന്യൂ ഹിൽടോപ്പ് പഴംപറമ്പ് (New Hilltop Pazhamparamba).

സമയം 08:30 PM: ടൗൺ ടീം ചുളളിക്കാപ്പറമ്പ് (Town Team Chullikaparamb) 🆚 ഐ റോക്സ് കണ്ണാംപറമ്പ് (Eye Rocks Kannamparab).

ഫുട്ബോൾ പ്രേമികൾക്ക് ആവേശം പകരുന്ന മത്സരങ്ങൾക്കായി സ്റ്റേഡിയം സജ്ജമായിരിക്കുമെന്ന് സംഘാടകർ അറിയിച്ചു.