മുക്കം സ്വദേശിയായ സൈനികൻ ഭോപ്പാലിൽ മരണപ്പെട്ടു

മുക്കം: കാരമൂല, കുറാമ്പ്ര സ്വദേശി (സൈനികൻ) ജോലി സ്ഥലത്ത് (മധ്യപ്രദേശിലെ ഭോപ്പാലിൽ ) വെച്ച് മരണപ്പെട്ടു.

കാരമൂല കുറാമ്പ്ര കുഞ്ഞാലിയുടെ മകൻ മിഥിലാജാണ് മരിച്ചത്. പ്രഭാതഭക്ഷണം കഴിച്ച് ഡ്യൂട്ടിയിൽ പ്രവേശിച്ച മിഥിലാജിന് അൽപ്പസമയത്തിന് ശേഷം ജോലി സ്ഥലത്ത് വെച്ച് പെട്ടെന്ന് നെഞ്ചുവേദന അനുഭവപ്പെടുകയായിരുന്നു. ഉടനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ലെന്നാണ് നാട്ടിലേക്ക് ലഭിച്ച വിവരം. 

മാതാവ്: ആമിന.

ഭാര്യ: ഹന്ന തസ്‌നിം (ഗോതമ്പ് റോഡ്).

മക്കൾ: അഹമ്മദ് മാസിൻ, മിൻസ ഫാത്തിമ.

സഹോദരങ്ങൾ: അഞ്ജു ഫാത്തിമ (കൈതപ്പൊയിൽ), മിൻഹാജ്.

ഔദ്യോഗിക നടപടിക്രമങ്ങൾ പൂർത്തിയാക്കിയ ശേഷം മൃതദേഹം നാട്ടിലെത്തിക്കും.