പാഴൂർ: പാഴൂർ എ.യു.പി സ്കൂളിന്റെ കായികമേളയ്ക്ക് പിന്തുണയുമായി പ്രമുഖ വിദ്യാഭ്യാസ പ്രവർത്തകനും പൂർവ്വ വിദ്യാർത്ഥിയുമായ യൂസുഫ് മാസ്റ്റർ സ്പോർട്സ് ഉപകരണങ്ങൾ വിതരണം ചെയ്തു. കായികമേള നടക്കുന്ന പാഴൂർ പഞ്ചായത്ത് ഗ്രൗണ്ടിലെത്തിയാണ് അദ്ദേഹം വിദ്യാർത്ഥികൾക്ക് ഉപകരണങ്ങൾ കൈമാറിയത്.
സ്കൂൾ ഹെഡ്മാസ്റ്റർ അബ്ദു സലിം എം.ടി. അധ്യക്ഷത വഹിച്ചു. അധ്യാപകരായ ജലീൽ മാസ്റ്റർ കെ, കെ.പി. ഉമ്മർ മാസ്റ്റർ, മുജീബ് എം.കെ, സഹ്‌ല മുഹമ്മദ് എന്നിവർ പങ്കെടുത്തു. സ്കൂൾ ലീഡർ ഷാഹിദ് ഷാ സ്പോർട്സ് ഉപകരണങ്ങൾ ഏറ്റുവാങ്ങി.
