കൊടിയത്തൂർ: സംസ്ഥാന സർക്കാരിന്റെ സ്ത്രീ സൗജന്യ യാത്രാ പദ്ധതിയായ “പ്രിയദർശിനി” യ്ക്ക് കൊടിയത്തൂർ ഗ്രാമപഞ്ചായത്തും നാട്ടുകാരും ചേർന്ന് ചുള്ളിക്കാപറമ്പിൽ ആവേശോജ്ജ്വല സ്വീകരണം നൽകി.കോഴിക്കോട്–നിലമ്പൂർ കെ.എസ്.ആർ.ടി.സി ബസിനാണ് ആദ്യ ദിനം തന്നെ ഉജ്ജ്വല വരവേൽപ്പ് ലഭിച്ചത്.
വനിതകളുടെ യാത്രാക്ലേശങ്ങൾക്ക് വലിയ ആശ്വാസം നൽകുന്ന പദ്ധതിയാണ് പ്രിയദർശിനി എന്ന് വിലയിരുത്തിയ പഞ്ചായത്ത് പ്രസിഡന്റ്, പദ്ധതി നടപ്പാക്കിയ യു.ഡി.എഫ് സർക്കാരിനെ അഭിനന്ദിച്ചു.
വൈസ് പ്രസിഡന്റ് സുജാ ടോം, ആരോഗ്യ-വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ പി. അഹമ്മദ് കുട്ടി, വികസന സ്റ്റാൻഡിങ് കമ്മിറ്റി ചെയർപേഴ്സൺ കസ്ന ഹമീദ്, ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ ആയിഷ ചേലപ്പുറത്ത്, ഷീജ ടീച്ചർ, പ്രേമ ടീച്ചർ, മുഹമ്മദ് യൂസുഫ് എന്നിവർ ചടങ്ങിൽ പങ്കെടുത്തു.
