കൊടിയത്തൂർ: നീറ്റ് 2026-ൽ തിളക്കമാർന്ന വിജയം കൈവരിച്ച റാനിയ എസ്.പി. കൊടിയത്തൂരിൻ്റെ അഭിമാന താരമായി മാറി. കൊടിയത്തൂർ മാസ് സലൂൺ ഉടമ കൊളായിൽ പൂളക്കൽ ജയഫറിൻ്റെയും ബദറുന്നിസയുടെയും നാലു മക്കളിൽ മുതിർന്നവളാണ് റാനിയ . നിർധന കുടുംബാഗംമായ റാനിയ PTM HSS ൽ നിന്നും ഫുൾ എപ്ലസ് നേടിയാണ് SSLC പാസ്സായത്. അരീക്കോടെ ഒരു സ്വകാര്യ സ്ഥാപനത്തിൽ നിന്ന് മൽസരപ്പരീക്ഷയിൽ ഉന്നത വിജയം കൈവരിക്കുകയും സ്കോളർഷിപ്പോടെ പ്ളസ് ടു ഫുൾ എപ്ലസ് കരസ്ഥമാക്കുകയും ചെയ്തു. അധ്യാപികയാകണമെന്ന മോഹം റെയ്സിൽ വെച്ച് അവസാനിപ്പിച്ച് കോഴിക്കോട് ഒരു സ്വകാര്യ സ്ഥാപനത്തിൽ നീറ്റ് പരീക്ഷക്ക് പഠിക്കാൻ തയ്യാറാവുകയായിരുന്നു. ദൈവാനുഗ്രഹത്തിൻ്റെയും അധ്യാപകരുടെയും കുടുംബത്തിൻ്റെയും നാട്ടുകാരുടെയും അകമഴിഞ്ഞ പിന്തുണയുടെയും എൻ്റെ നിശ്ചയദാർഢ്യത്തിൻ്റെയും ഫലമായാണ് എനിക്ക് ഈ നേട്ടം കൈവരിക്കാനായതെന്ന് റാനിയ പറഞ്ഞു.
